Ўзбекистон, Туркия ва Озарбайжон ТИВ раҳбарлари дўстлик, ҳамкорлик ва фаровонлик ришталарини чуқурлаштиришга интилишда ҳамфикр эканликларини тасдиқладилар
Ўзбекистон, Туркия ва Озарбайжон ТИВ раҳбарлари дўстлик, ҳамкорлик ва фаровонлик ришталарини чуқурлаштиришга интилишда ҳамфикр эканликларини тасдиқладилар
Ўзбекистон ташқи ишлар вазири Бахтиёр Саидов бугун Анқара шаҳрида Туркия ва Озарбайжон ташқи ишлар вазирлари Ҳакан Фидан ва Жейҳун Байрамов билан учрашув ўтказди, деб хабар қилмоқда "Дунё" АА мухбири.
"Қадрли ҳамкасбларим Ҳакан Фидан жаноблари ва Жейҳун Байрамов жаноблари билан биргаликда уч томонлама форумдан олдин бугун Анқара шаҳрида самарали учрашув ўтказдик, – деб ёзди Ўзбекистон ТИВ раҳбари ўзининг телеграм-каналида. – Ўзбекистон, Озарбайжон ва Туркия Ташқи ишлар вазирликлари мамлакатларимиз ўртасидаги дўстлик, ҳамкорлик ва фаровонлик ришталарини чуқурлаштиришга интилишда ҳамфикрдир. Бизнинг умумий салоҳиятимиз жуда катта ва елкама-елка ҳамкорликда келажак авлодлар учун чексиз имкониятлар очади".
